திங்கள், ஜூன் 24, 2013

மன நோயாளிகளின் குறிப்புகள்

குட்டி பெசாசுங்களோட தெனத்திக்கிம் சண்ட கட்டுறதே என் பொழப்பாபோச்சு! சாமத்துல ஒன்னு ஒன்னா வந்து எஞ் சீலய உருவிடும்! ரெண்டு என் மார்ல சப்பி பாலு குடிக்கும்! ஒன்னு எங் கழுத்துல கால வச்சுட்டு அம்மண கட்டையா ஆடும்! உன் ரத்தத்த சப்பி எடுத்துருவோம்… நீ சாவத்தாம் போறேன்னு கூப்பாடு போடும்! இதோட போச்சா.. உன்ன மாதிரியே ஆளை அனுப்பி என்னை கசக்கிட்டு போக வச்சுடும்! அவந்தான் எங் குறியில கடப்பறைய குத்தி வச்சுட்டு போயிட்டான். என்னால புடுங்கி வீச முடியில! வா! நீ இதை புடுங்கி வீசு!

 அந்தன்னிக்கி நோம்பின்னு நெனைக்கிறன்! ஊரே கூடி தேரு இழுத்துச்சு! சனமுன்னா சனம்! பந்தக்கால்ல வாழைமரம் கட்டியிருந்தாங்க! புடிங்கீட்டு போயி அடிடான்னு சாமி சொல்லுச்சு என் காதுல! ஒருத்தனையும் உடாதேன்னுச்சி! சும்மா ஒவ்வொருத்தன் சூத்தாம் பட்டையிலயும் பளீர் பளீர்னு வெச்சேன். அன்னிக்கி எம்மேல இறங்குன சாமி இன்னும் மலை ஏறவே இல்ல! எப்ப சரியாவும்னு தெரியில! ஒருத்திக்கி ஒரு மவனாம். அவனும் பருத்திக்காட்டுல புலுத்தீட்டு செத்தானாம்ங்ற கதெ! நான் யாருன்னு கண்டு புடிச்சிட்டீன்னா ஈமெயிலு அனுப்பு. டபிள்யூ டபிள்யூ டாட் யாயாலாக்க அட்டு ஜி மெயுலு டாட்காமுக்கு அனுப்பு போ!

சாத்தான் அனுப்பி வச்ச ஆளுக தாண்டா நீங்கெல்லாம்? எங்கடா உங்க மண்டையில ரெண்டு கொம்பு இருக்குமே! உங்களை எப்பிடி அழிக்கோணுமுன்னு எனக்கு தெரியும்டா! மாத்திரை குடுக்காளுகளாம் மாத்திரை! கடவுளுக்கே மாத்திரை குடுக்குற ஆசுபத்திரிய இங்கதாண்டா பாக்குறேன். டேய் என்னை உடுங்கடா! அந்த சூத்தாட்டிக கரண்டு வப்பாளுகடா! கடவுளுக்கு கரண்டு ஒத்துக்காதுடா! சொன்னா கேளுங்கடா யப்பா!

என்னோட ஒடம்புல ரத்தம் ஓடறதில்ல! வதுலா ரீகல் சொட்டு நீலம் தான் ஓடுது! நானு சொட்டு நீல கம்பெனில வேல செஞ்சதால அங்கதான் யாரோ சதி பண்னிட்டாங்க! யாருன்னு இன்னம் கண்டுபுடிக்க முடியலின்னு ஓனரே சொல்லிட்டாரு! எங்கைய பிளைடால அறுத்துப் பாருங்க! ரத்தம் புளூகலர்ல தான் வரும். மண்டையில மூளை இருக்கிற இடத்துல எருமச் சாணிதான் இருக்குதுன்னு எங்கம்மா சொல்லுவா! என்னோட ஒடம்பே முச்சூடும் வலி தான். கூடு உட்டு கூடு பாயுற வித்தைய பத்து நாளா கத்துட்டு இருக்கேன், இந்த ஒடம்பு இனி யாருக்கும் பிரயோசனப்படாது! முழுசா கத்துகிட்டதும் இந்த ஒடம்பை அப்படியே உட்டுட்டு எனக்கு வைத்தியம் பாக்குற டாக்குடரு ஒடம்புல பூந்துக்குவேன்!

என்னையப் பாக்க வந்திருக்கீங்களா? உங்க வணக்கத்தை கொண்டி குப்பையில போடுங்க! நா என்ன பெருசா கிழிச்சுட்டேன்னு பாக்க வந்திருக்கீங்க? இங்க எங்கண்ணன் கொண்டாந்து உட்டுட்டு போயி எத்தன ஜென்மம் ஆச்சோ? எனக்குத்தான் சாவே கெடயாதே! ரெண்டாயிரம் வருசமா இதே ஆசுபத்திரியில தான் கெடக்கேன். நீ நெசமா என்ன பாக்க வந்தியா..இல்ல அங்கா கெடக்கானே தொறந்து போட்டுட்டு ஐயப்பன், அவனையா? அவன் இங்க வந்து பாஞ்சி நாளிருக்கும். அப்பனையும், பொண்டாட்டியையும் கடிச்சி வச்சுட்டானாம். நாயிக்கி பொறந்தவன்னு அவனே சொல்லிக்கிறான். இருக்கலாமில்லியா! ஒலவத்துல அதிசயம்னு என்னென்னமோ நடக்குது. நாங்கூட யாருக்கு பொறந்தன்னு தெரியில. நேத்து இந்த நாய்ப்பய என்னை பன்னிக்கி பொறந்தவனேன்னு கடிக்க வந்துட்டான். எனக்கு சந்தேகமா போச்சு நெசமாலுமே நாம பன்னிக்கித்தான் பொறந்திருப்போமோன்னு! இவன் வந்தாப்டி புடிச்சு எச்சா ரெண்டு மாத்திர தர்றாங்க. தனி ரூமுக்கு போலாம்னு இருக்கன்.
 நீங்க என்னப்பத்தி துப்பு துலக்க வந்திருக்கீங்ளா? என்னயப் பத்தி கண்டு புடிச்சு செரைக்கவா போறீங்க? உள் நோயாளியை பாக்க போறமே… இந்த நர்சுகளுக்கு நெஞ்சு மேல உருண்ட உருண்டயா இருக்குதுகளே.. அந்த சைசுல ரெண்டு ஆப்பிளு கடிக்க வாங்கீட்டு வரக்கூடாதா?
 எது நிஜம்? எது பொய்? சிறுகதையில்….

எனக்கு ஒன்னுமில்லீன்னு சொன்னா டாக்டர் காதுலயே போட்டுக்க மாட்டீங்றாரு. நீ டாக்டரா? நா டாக்டரான்னு என்னை கேக்கறாரு! நாந்தான் டாக்டரு! ஜெனரல் வார்டுல ஒரு கிறுக்குப் பயலை கொண்டாந்து சேத்தியிருக்காங்க. வார்டு வார்டா போயி எல்லாரும் நல்லா இருக்கோணும்னு உச்சா அடிக்கிறான். அவங் குஞ்சாமணிய புடிச்சு அறுத்து காக்காயிக்கி வீசுங்க சிஸ்டர்னு சொன்னேன். அறுத்து வீசீட்டாங்களாட்ட தான் இருக்குது! ரெண்டு நாளா காணம் அவனை! என்னடா துண்டை வீசிட்டே இருக்கன்னு பாக்கறீங்களா? பூச்சிகளை முடுக்குறேன். அஞ்சு வருசமா இதுகளை முடுக்கீட்டே தான் இருக்கேன். கிட்னி எனக்கு பெய்லியரா போச்சுன்னு தான் இங்க வந்தேன். அதுக்கு இவிங்க வைத்தியம் பாக்காம இருதயத்தை தூக்கி மண்டையில வச்சுட்டாங்க!
 நா நெனக்கிறேன்.. என்னை மாத்து மனுசனா தயார் செஞ்சு செவ்வா கிரகத்துக்கு டெஸ்டுக்கு அனுப்ப போறாங்கன்னு! அது உண்மைன்னா வர்ற புதன்கிழமை ராக்கெட்டுல அனுப்பிட சொல்லிடுங்க டி.எஸ்.பி சார்!

எம் பேரு ஜனார்த்தனன் சார். எங்காயா என்னை மொன்னையான்னு கூப்பிடுவா! எங்கப்பன் தாயலின்னு கூப்பிடுவான்! எங்கண்ணன் காலேஜ் புலுத்தி டேய் கிறுக்காம்பான்.. பேர்ல என்ன சார் இருக்குது? பேரை வச்சுட்டு நாக்கா வழிக்க முடியும்? ஆனா ரெண்டு பேரும் சேந்து சோலிய முடிச்சு போட்டாங்க சார்!
 --யார்ங்க ஜனா அந்த ரெண்டு பேரு?
அதான்க அந்த காலேஜ் புலுத்தியும் எங்கப்பனும்! என்னை கண்டமானிக்கி அடிச்சு போட்டாங்க சார். மூளை பிசகிட்டுதுங்றாங்க! ஒரு முஸ்லீமு கோயில்ல ஒரு மாசம் கொண்டி வச்சி பார்த்தாங்க. அங்கதான் சார் மொட்டை அடிச்சுட்டாங்க! ஆமா நீங்க ஏன் சார் என்னை பாப்பான்னு கூப்பிட மாட்டீங்கறீங்க? இன்னிக்கி சாமத்துல பில்லி சூனியம் பண்டி ஏவி உடப்போறனுங்க சார் அவிங்க மேல! ரத்தங்கக்கீட்டு சாவப் போறாங்க பாருங்க! பாப்பான்னு கூப்பிடுங்க சார் என்னை!

எங்க உட்டேன்? ஆங்! என் கூட தண்ணி போட்ட நண்பர்க சொன்னாங்க… கட்டுனா அவளையே கட்டு இல்லின்னா கட்டுனவங் கால்ல உழுந்தாச்சிம் அவுத்து நீ கட்டுன்னு! நேரம் வந்தாச்சின்னு அவ கிட்ட கோயல்ல வச்சி என் காதல சொன்னேன். டங்குவாரை அத்துப்போடுவங்றா! இளங்கன்னு பயமறியாதுன்னு உட்டுட்டேன். அந்த பொண்ணு படிக்கிற பொண்ணு போல! கடசியா ஒரே தீர்வு இவ தான்னு மறுக்காவும் இப்பிடி பைத்தியம் புடிச்சா மாதிரி இருக்குன்னு அவகிட்ட கோயல்ல சொன்னேன். மருந்து கொண்டுட்டு வர்றேன்னு பொனவ அண்ணனை கூட்டி வந்துட்டா! அவன் என்னை நொங்கெடுத்துட்டான். பொறவுதான் எனக்கு மண்டையில அல்சர் வந்துடுச்சு!








Post Comment

1 கருத்து:

ஸ்ரீவிஜி விஜயலக்ஷ்மி சொன்னது…

படிக்கும்போதே மனம் பாரமாகிறது